當前位置: 首頁 > 云山論劍 > 正文

從化特色小鎮

信息時報 | 阮栩 | 2020-05-17 22:39:12

白話廣州


  啱啱過去嘅小長假,毫無意外噉火熱,嗰幾日嘅天氣仲創咗歷史紀錄——系十年嚟最熱嘅一個五一假期。喺呢個假期,好多人喺朋友圈曬咗同一個地方——從化。新聞話,從化區5月1日至5日共接待游客38.57萬人次。

  從化向來有“廣州后花園”嘅美稱,好多人首先會諗到石門森林公園、流溪河森林公園、溪頭村。其實,從2016年12月開始,從化就致力于打造“特色小鎮”旅游。呢啲小鎮,其實就系從各條村升級嚟嘅。好似蓮麻小鎮、南平靜修小鎮,原來就系蓮麻村、南平村。升級咗嘅特色小鎮,保留咗原始淳樸嘅山野田園風光,好多配套設施都不斷完善,迎接游客。

  每個小鎮都有唔同嘅特色,西塘童話小鎮就有動漫主題,可以游覽稻田風光,又可以同稻草人、風車影相;西和萬花風情小鎮就系用花做主題,有以櫻花、玫瑰為主題嘅公園;而南平靜修小鎮就主打悠閑徒步,沿住村入邊嘅嗰條溪水,漫步林間,攰咗直頭就坐喺溪邊唞下,雙腳浸住溪水,吹住風,不知幾舍意。好多家庭都系帶住細路嚟度玩水避暑。

  徒步、露營、摘果、食農家菜,呢啲都系嚟從化嘅例牌節目。有咗呢啲小鎮,嚟從化玩嘅節目就更加豐富啦。


  ◎阮栩 編輯


信息時報社地址:廣東省廣州市廣州大道南83號匯美商務中心四樓

信息時報社 版權所有(C) 粵ICP備14002173號 爆料電話:020-34323111 QQ:800023111 官方微博:@ 信息時報

舉報及投訴電話:(020)34323133 郵箱:xxsb_gz@163.com

網上有害信息舉報專區

99在线视频免费观看视频