當前位置: 首頁 > 云山論劍 > 正文

衛生創舉

信息時報 | 梁倩薇 | 2020-03-15 22:11:47

白話廣州

  一場疫情喺全國上下掀起抗擊戰火。廣州系統布局,已經對疫情實現咗有效防控。呢份淡定,既得益于非典經驗,亦與呢座城市千年以來對抗瘟疫嘅實踐有關。

  廣州地處嶺南,曾被古人視為“瘴氣之地”。因為氣候潮濕炎熱,人亦容易得病。所以,廣州人自古以來都好重視衛生工作,亦留下咗好多佳話。

  比如公共衛生中常見嘅話題“清潔水源”,其實千年之前就喺廣州出現了。當時系宋代,廣州城內瘟疫流行,百姓急需凈水來飲用同搞清潔。可惜,干凈嘅深井被有錢人霸占,普羅大眾可以使用嘅珠江又受咸潮影響。喺呢種情況下,蘇東坡就惗咗一個辦法:喺白云山鑿咗個石槽接山水,然后用竹管引入城內——呢種“管導法”亦成就咗最早嘅“自來水”。

  此后,廣州喺公共衛生方面屢有創舉。到咗近代1921年,更將警察廳衛生科單獨劃出來,統管全市公共衛生事務,禁止圈地養雞鴨、隨地大小便等行為;同時組建最早嘅“清潔夫”隊伍維護市容環境……就系咁,喺一代代人嘅努力之下,廣州公共衛生觀念被不斷完善,所以,今日面對疫情嘅時候先會展示出一份特有嘅生猛淡定,處變不驚。

  ◎梁倩薇 編輯


信息時報社地址:廣東省廣州市廣州大道南83號匯美商務中心四樓

信息時報社 版權所有(C) 粵ICP備14002173號 爆料電話:020-34323111 QQ:800023111 官方微博:@ 信息時報

舉報及投訴電話:(020)34323133 郵箱:xxsb_gz@163.com

網上有害信息舉報專區

99在线视频免费观看视频